شعر و ادبیـات آذربایجان « وارلیق

آت قدمـین یورتمـه یئری ! [1]

آش تپه لردن

سیلدیریم تک سره لردن

سئله سینمـیش دره لردن

بو نـه طوفاندی گؤزل کهلیگیمـی ایستیر آییرسین فره لردن [2]
غیرتیم جوشـه گلیر غملی خبردن

آغ آتیم – قورخما خطردن !

آغ آتیم قول ، قاناتیم ،

شیـهه چک ، قوی سسیوه

بلکه یـاتانلاردا اؤیـانسین

یـاتماغین واختی دگیل دروسون اوتانسین

یـاتانین عؤمرو تالانسین

تازا نعلین وار آتیم

چال بو داغین ، قوی پارالانسین

چال داغین سی باتسین ، یـارالانسین

داشی داشدان ، آرالانسین

آغ آتیم قول قاناتیم

داش قایـادان آشما چتیندی

قاباق اؤز یوققوشادی ، قاشما چتیندی

داغا دیرماشما چتیندی

داشا ، سووخاشما [3] چتیندی

باخما یوللاری چتیندی ، اورانین هیبتی یوخدور
آغ آتیم همت ائله !

غیرتی یوخدور

هله اؤز یوققوشالار چوخدو قاباقدا

آشماق اولماز بو آیـاقدا

آغ آتیم قول قاناتیم

بسدس ایـاق ساخلاما ، گون باتدی قارالدی

گون گئچیب داغ دالینا رنگی سارالدی

داغین اوستون دومان آلدی

آغ آتیم ، بس بو نـه حالدی؟

بورا یـارقاندی [4] آتیم دورما آماندی ….

آغ آتیم ، قول قاناتیم

آت قدم آیدینلیغا ساری

هؤرکوشن [5] اوولاریلان [6] ؛ چیخ سره یـاللاری [7] یوخاری
قار قالان داغلارا سال بیر نفسین

قوی اریسین بوز کیمـی چئگینینده کی قاری

سولاری آرخلارا سال بلکه سووارسین

قوری قالمـیش مومالاری

قوی بؤیوک گولده اؤزوشسونله یـاشیل باش سونالاری
آغ آتیم

جهد ائله باری

سنی تاری !

آغ آتیم ، قول قاناتیم

طبعیمـین دریـاسی جوشقوندو

یئل اسدیر لپه لنسین

قوی چالیم صخره لره دالغامـی [8] ، دالغام سپه لنسین

قوی یـاغیش تک قورویـان

داغلارین اؤستونده اله نسین

هرزه اوتلاری آپارسین

لالا بیتسین

هامـی گؤللر تزه لنسین

گؤلو بلبل یییـه لنسین

آغ آتیم ، قول قاناتیم

آت قدمـین قلعه ی بابکدن آشاق

قارا گؤنلن ساواشاق

آت گؤلوندن سس آتیب ، بابکین حالین سوروشاق
یئنـه طوفاندا جوشاق

دریـالار تک قوووشاق

آغ آتیم ، قول قاناتیم

شیـهه چک قوی سسیوه

هاجرینی ترکینـه چکسین نبی گلسین

قوی کور اوغلو آتینی داغلارا سالسین

ائشیدیب شیـهه نی گلسین

الدهگین قیلیجیلا

بویـاسین قانـه کئچل حمزه نی گلسین

قوی کرم سازینی سالسین دؤشونـه ، چؤللره دؤشسون
های سسی ائللره دؤشسون

دئگیلن غملی کرم ایستر اگر ، اصلینی گلسین
دشمنین بلکهک نسلینی ، گلسین

قوی بو داغلاردا بؤیوک هلهله دؤشسون

داغلارا ولوله دؤشسون !

آغ آتیم ، قول قاناتیم

منـه بیر قالغی بابامدان ، بو ورندیلدی ، بونو چئگنیمـه ساللام
قاراداغ باشینی آللام

اورا بیر ولوله ساللام

آغ آتیم دورما ، یوبانسان ، دالی قاللام

آغ آتیم ، قول قاناتیم

بیز اگر قلعه ی سیمرغدان آشساق بیزه آزدی

باخما یوللار ناتارازدی

باخما بو قارلی دماوند ، بو قفقاز بو هرازدی
باخما داغدا هاوا دوتقوندو – آیـازدی [9]

باخما بو قیشدی بو یـازدی

آغ آتیم آت قدمـین دریـا ، دایـازدی [10]

دریـانی گئچسن اگر شـهرِ نیـازدی

اوردا هر قان کی تؤکولدو یئره ، آزادلیقی یـازدی
بشر آزادلیغا بازدی !

آغ آتیم ، قول قاناتیم

اوردا دؤلبرچین اوتو دؤرت پَر آچیبدی

اوردا دیللنمگه دیل تازه شیرین دیللر آچیبدی
اوردا باغلاردا بوتون گؤل لر آچیبدی

آغ آتیم

آت قدم

آیدینلیغا ساری !

شعر : شعر فارسی در مورد آذربایجان غربی هوشنگ جعفری

—————————————————————-

۱-یورتما یئریمک ؛ Yurtma Yerimak؛ آت یئریشی.

2- فره ؛ Fara ؛ کهلیک بالاسی.

3-سووخاشما ؛ Sovkhashma ؛ دیرماشماق

4- یـارقان ؛ یـارغان ؛ Yarqan ؛ اوچوروم

5- هؤرکوشن ؛ Hurkushan ؛ اورکوشن ؛ قورخوب قاچان.

6- اوو؛ Ov ؛ آو ؛ صید ؛ شکار (عوام تصورونده «آو» فارسجا «آهو» نون مخفف تلفظودور و بو نـه یـانلیش دیر).

7- دالغا ؛ Dalgha ؛ شپه ؛ موج ؛ لپه.

8- قوووشوق ؛ Qovushuq ؛ چایلارین قوووشان یئری.

9- آیـاز ؛ Ayaz ؛ آیلیق و سویوق گئجه.

10- دایـاز ؛ Dayaz ؛ کم عمق ؛ درین یوخ! (دوزون سؤزو «دایـاز» اوچون فارسجادا دوزگون معادل تاپا بیلمـه دیم).

. شعر فارسی در مورد آذربایجان غربی . شعر فارسی در مورد آذربایجان غربی

---

[شعر و ادبیـات آذربایجان « وارلیق شعر فارسی در مورد آذربایجان غربی]

نویسنده و منبع | تاریخ انتشار: Thu, 21 Jun 2018 14:34:00 +0000

---